Favqulodda vaziyatlar vazirligi qutqaruvchilari tomonidan tog`da adashib qolgan yigit topildi. Bu haqda FVV axborot xizmati xabar bermoqda.
Ma`lum bo`lishicha, kecha 22 may kuni 10 kishidan iborat o`rtoqlar Kumushkon tog`lariga (Toshkent viloyati Parkent tumani) dam olgani chiqishgan. Yigitlar baland tog`likka ko`tarilganlarida birdan kuchli yomg`ir yog`a boshlagan, yigitlar tezda tog`dan tushishgan.
Biroq, pastga tushganlarida o`rtoqlaridan birini qidirib qolishadi.
Qolib ketgan o`rtog`ini qidirish uchun yigitlar Toshkent viloyati Favqulodda vaziyatlar boshqarmasi qidiruv-qutqaruv guruhidan yordam so`rashgan. Uch soatlik qidiruv jarayonida bedarak yo`qolgan yigit topildi va do`stlariga sog` omon topshirildi.