Ayni paytda Toshkentda kuzatilayotgan noqulay ob-havo sabab bir qancha noqulayliklar yuzaga kelgani holati aks etgan video va suratlar ijtimoiy tarmoqlarda tarqalmoqda. Xususan, Toshkent teleminorasini chaqmoq urishi natijasida uning tepasida turgan davlat bayrog`i yonib ketgani aks etgan videolar tarqaldi.
Holat yuzasidan FVV Axborot xizmati tezkor rasmiy ma`lumot taqdim etdi.
Ma`lum qilinishicha, bugun, 23 may kuni, taxminan soat 20:30 da Toshkent teleminorasida chaqmoq urish sodir bo`ldi, ammo minora chaqmoq urishidan zarar ko`rmagan. Chunki bino chaqmoqqa qarshi jihozlangan va bunday hodisalardan to`liq himoyalangan. Muassasa normal ishlamoqda, deyiladi xabarda.