Bugun, 24 may kuni Milliy matbuot markazida O`zbekiston Prezidenti Administrasiyasi rahbarining o`rinbosari – matbuot kotibi Sherzod Asadov ishtirokida brifing bo`lib o`tdi. Unda Shavkat Mirziyoevning yangi haftadagi ish grafigi qanday bo`lishi ma`lum qilindi, deya xabar bermoqda "Darakchi" muxbiri Sardorbek Rahmonqulov.
Ma`lum qilinishicha, ushu haftada ham ko`plab tadbirlar rejalashtirilgan.
Jumladan, olis va chekka hududlarda maktabgacha ta`lim muassasalarini tashkil etish bo`yicha taqdimot, “O`zagrohimoya” AJ tizimini isloh qilishga doir yig`ilish bo`lishi kutilmoqda.
Hududlarda ipoteka dasturlarini amalga oshirish, ko`p kvartirali uy-joylar massivlarini barpo etish, ularni infratuzilma bilan ta`minlash hamda xizmat ko`rsatish tizimini takomillashtirish chora-tadbirlari yuzasidan videoselektor yig`ilishi o`tkazilishi mo`ljallangan.
Shuningdek, hafta oxirida barqaror rivojlanish maqsadlarini moliyalashtirish dasturi ijrosini samarali ta`minlash yuzasidan kengaytirilgan yig`ilish bo`lishi kutilmoqda.
Shuningdek, Prezident 30 may kuni Janubiy Koreya poytaxti Seul shahrida videoanjuman shaklidao`tadigan 2030 yilga qadar «yashil» taraqqiyot va global maqsadlar uchun sheriklik Ikkinchi xalqaro sammitida nutq so`zlaydi.
Rejalashtirilgan tadbirlarda o`zgarish bo`lsa, ularning tafsilotlari bo`yicha keyingi brifingimizda xabar berilishi ma`lum qilindi.
