2021 yil 24 may kuni soat 09:30larda Angren shahridan o`tuvchi A-373 avtomobil yo`lining 184 km.da “Namangan-Toshkent” yo`nalishi bo`yicha harakatlanayotgan “MAN” rusumli tirkamali yuk avtomobili boshqaruvini yo`qotib, ag`darilib, o`zidan oldinda temir yo`l kesishmasiga etmay to`xtagan. Natijada “Lasetti”, “Kobalt”, “Jentra”, “Neksiya-3”, “Matiz”, “Neksiya-3” va “Lasetti” rusumli avtomobillari bilan to`qnashib, YTH sodir bo`lgan. To`qnashuv natijasida “Lasetti” rusumli avtomobili yongan.
FVV xabar berishicha, YTH natijasida 5 nafar fuqaro voqea joyida vafot etgan hamda 4 nafar fuqaro turli darajadagi tan jarohati olgan, fuqarolarning shaxsiga aniqlik kiritilmoqda.
Tan jarohati olgan fuqarolar Angren shahar Tibbiyot birlashmasiga yotqizilgan.
Voqea joyiga Toshkent viloyati FVB va Angren shahar FV bo`limi, IIB, Prokuratura va SSB hamda tezkor-tergov guruxi xodimlari chiqishgan.
Sodir bo`lgan YTH yuzasidan dastlabki tergovoldi tekshiruv ishlari olib borilmoqda.
