Ertaga, 25 may kuni Toshkent shahrining qator yo`llarida harakat vaqtincha cheklanadi. Bu haqda Toshkent shahar hokimligining Matbuot xizmati ma`lum qildi.
“Mo`ynoqqa madad” ekologik xayriya velomarafonini o`tkazish doirasida ishtirokchilarning harakatlanish yo`li bo`ylab yo`llarning quyidagi qismlari harakat uchun soat 9:30 dan 11:30 gacha yopiladi:
1) Afrosiyob ko`chasi — “O`zbekiston” metro bekatidan Nukus ko`chasigacha (Shox Med Center klinikasi);
2) Nukus ko`chasi — Oybek ko`chasidan Farg`ona yo`li ko`chasigacha;
3) Abdulla Qodiriy ko`chasi — Farg`ona yo`li ko`chasidan Qorasaroy ko`chasigacha;
4) Qorasaroy ko`chasi — Abdulla Qodiriy ko`chasidan “Hazrati Imom” majmuasigacha;
5) Zarqaynar ko`chasi — Qorasaroy ko`chasidan O`zbek davlat sirkining pastidagi tonnelgacha;
6) Furqat ko`chasi — O`zbek davlat sirkining pastidagi tonneldan Islom Karimov shoh ko`chasigacha;
7) Islom Karimov shoh ko`chasi – Furqat ko`chasidan Afrosiyob ko`chasigacha.
Ushbu yo`l qismlarida tirbandliklarning oldini olish maqsadida haydovchilarga aylanma yo`llardan foydalanishni tavsiya qilamiz.