Xorijiy tillarni o`rganishni ommalashtirish agentligi hamda Xalq ta`limi vazirligi huzuridagi Respublika ta`lim markazi onlayn muloqot tashkil qildi. Bu haqda XTV huzuridagi Respublika ta`lim markazi xabar qilmoqda.
Suhbat davomida Respublika ta`lim markazi vakillari shu paytga qadar chet tillarni o`qitish tizimini rivojlantirish va mazmunini boyitish bo`yicha qilingan ishlar, jumladan, Milliy o`quv dasturi asosida chet tillari doirasida yaratilgan o`quv dasturi va dastur asosida tayyorlanayotgan darsliklarning mazmun-mohiyati haqida ma`lumot berishdi.
Shuningdek, Cambridge darsliklarini mahalliylashtirish bo`yicha qilinayotgan ishlar, English Speaking Nation "Ingliz tilida so`zlashuvchi millat" loyihasi haqida aytib o`tildi.
Suhbat davomida olis hududlarda mobil guruhlar faoliyatini boshlash va til o`rganuvchilar uchun chet tilini mukammal o`rganish muhitini tashkil etish haqida kelishib olindi.
