Shavkat Mirziyoevning shu yil may oyidagi “Sog`liqni saqlash sohasini kompleks rivojlantirishga doir qo`shimcha chora-tadbirlar to`g`risida”gi qaroriga ko`ra, 2021 yil 1 iyuldan boshlab ish staji besh yil bo`lmagan oliy ma`lumotli tibbiyot xodimlarini nodavlat tibbiyot tashkilotlariga ishga qabul qilish bilan bog`liq talablar davlat tibbiyot muassasalariga tenglashtiriladi.
Mazkur qarorning ushbu bandiga oydinlik kiritish maqsadida SSV Matbuot xizmati vazirlikning Lisenziyalash va akkreditasiyalash boshqarmasi boshlig`i Farhod Rahimqulovga murojaat qildi:
— Bu qarorning nodavlat tibbiyot tashkilotlariga ishga qabul qilish bilan bog`liq 12-bandi tibbiyot sohasida kadrlar bandligini ta`minlash va tibbiyot oliy o`quv yurtlari bitiruvchilarining mehnat bozoridagi tanlov imkoniyatini oshirish bo`yicha katta qadam bo`ldi, - deydi F. Rahimqulov. — Avval nodavlat tibbiyot muassasalariga ishga kirish uchun shifokorda malaka toifasi bo`lishi talab etilardi. Buning uchun kamida 5 yil tibbiy faoliyat bilan shug`ullanish lozim edi. Bundan o`z-o`zidan ko`rinadiki, oliy o`quv yurtini endi tugatgan yosh mutaxassis xususiy shifoxonada ish boshlay olmasdi. Davlat tibbiyot muassasalarining shtatlar imkoniyati ham barcha bitiruvchilarni ish bilan ta`minlashda qiyinchilik tug`dirar edi.
2021 yil 1 iyuldan ushbu murakkabliklarga chek qo`yiladigan bo`ldi. Ya`ni nodavlat tibbiyot muassasasi biror yosh mutaxassisning bilim va malakasiga ishonch bildirib, uni ish bilan ta`minlamoqchi bo`lsa, ulardan malaka toifasi talab qilinmaydi. Mutaxassis ish boshlaganidan so`ng, vaqti kelganida shu ish joyida ishlab turib ham malaka toifasini olishi mumkin. Xullas, endi tibbiyot muassasasining mulkchilik shakli yosh mutaxassislarni ishga qabul qilishga to`siq bo`la olmaydi.
️Eslatib o`tamiz, Prezidentning 2017 yil 1 apreldagi “Sog`liqni saqlash tizimining xususiy sektorini yanada rivojlantirish chora-tadbirlari to`g`risida”gi qaroriga asosan, xususiy tibbiyot tashkilotlari qariyib 130 yo`nalishdagi tibbiy ixtisosliklar bo`yicha lisenziya olishlariga imkon yaratildi. Bundan avval ular atigi 50 turdagi tibbiy xizmat ko`rsatish huquqiga ega edi.
Ayni paytda mamlakatimizda 6,5 mingdan ziyod xususiy tibbiyot muassasalari faoliyat ko`rsatmoqda.
Shuningdek, “Sog`liqni saqlash sohasini kompleks rivojlantirishga doir qo`shimcha chora-tadbirlar to`g`risida”gi Prezident qarorida Sanitariya-epidemiologik osoyishtalik va jamoat salomatligi xizmatiga nodavlat tibbiyot tashkilotlari faoliyatini tashkil etishda bino va inshootlarga belgilangan sanitariya qoidalari, normalari va gigiena normativlarini xalqaro standartlardan kelib chiqib, qayta ko`rib chiqish belgilandi.
Sog`liqni saqlash vazirligi
Matbuot xizmati.
17.09.2021, 11:10
Davlat statistika qo`mitasi ma`lumotlariga ko`ra, so`nggi 5 yillikda sog`liqni saqlash va ijtimoiy xizmatlar sohasi bo`yicha korxona va tashkilotlar soni (1 sentyabr holatiga):🔸2016 yilda – 8...11.07.2021, 17:14
O`tgan yil oktyabr oyida Buxoro viloyati hokimligi sog`liqni saqlash boshqarmasi boshlig`i etib tayinlangan G`afur Normurodovich Saidov salomatligi tufayli bu lavozimni tark etdi.Bu haqda bugun viloyat SSB...23.05.2021, 14:53
Kuni kecha Shahrisabz shahar tibbiyot birlashmasi xodimlari majburiy mehnatga jalb qilingani haqida xabarlar tarqalgandi.Qashqadaryo viloyati sog`liqni saqlash boshqarmasi axborot xizmati ushbu holatga munosabat bildirdi, deya...03.10.2020, 15:06
“Sog`liqni saqlash sohasida davlat boshqaruvi tizimini yanada takomillashtirish chora-tadbirlari to`g`risida”gi Prezident qarori (PQ–4847-son, 02.10.2020 y.) qabul qilindi. Qarorga ko`ra: Sog`liqni saqlash vaziri o`rinbosari – Toshkent shahar sog`liqni...