Sergeli tumanida ijaraga olingan avtomashinalarni sotib yuborgan firibgarlar aniqlandi, deya xabar bermoqda Bosh prokuratura huzuridagi Departament.
Departamentning Sergeli tuman bo`limi tomonidan tadbirkorlik sub`ektlarining huquqlarini himoya qilish yuzasidan o`tkazilgan tergovga qadar tekshiruvda, fuqaro I.U. va boshqalar oldindan til biriktirib, “M.L.” MChJdan ijara shartnomasiga asosan avtotransport vositasini olgan 39 nafar fuqaroni aldab, go`yoki ular tomonidan to`lovlar o`z vaqtida MChJga kelib tushmayotganligini ma`lum qilib, ulardan avtotransport vositalarini qaytarib olib, MChJ rahbarining xabardorligisiz boshqa shaxslarga sotib yuborishib, jamiyat manfaatlariga 5,3 mlrd so`m zarar etkazganliklari aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo`zg`atilib, tergov harakatlari o`tkazilmoqda.
