Adliya vazirligi tomonidan tayyorlangan va jamoatchilik muhokamasi uchun e`lon qilinishi kutilayotgan prezident farmoni loyihasiga ko`ra:
Korrupsiyada ayblangan shaxslarning ochiq elektron reestri yuritiladi;
Reestrga kiritilgan shaxslarga nisbatan quyidagi cheklovlar o`rnatiladi:
- davlat xizmatiga qabul qilinmaydi;
- davlat mukofotlari bilan taqdirlanmaydi;
- nazorat ostida bo`lgan korxonalar aksiyalariga egalik qila olmaydi.
2022 yil 1 yanvardan boshlab davlat xizmatchisi, uning turmush o`rtog`i va voyaga etmagan farzandlari daromadlari majburiy deklarasiya qilinadi.
Manfaatlar to`qnashuvi hisoblanadigan mansabdor shaxslarning harakatlari belgilanib, ularni amalga oshirish qat`iyan taqiqlanadi.
Korrupsiyaga oid jinoyatlar uchun javobgarlik kuchaytiriladi. Bunda:
- korrupsiyaga oid jinoyatlar toifasiga kiruvchi moddalarning aniq ro`yxati belgilanadi;
- bunday jinoyatlar uchun uzoq muddatli ozodlikdan mahrum qilish jazo choralari belgilanadi;
- deklarasiyalashda aniqlangan noqonuniy boylik orttirganlik va manfaatlar to`qnashuvi uchun jinoiy javobgarlik belgilanadi.
