Bosh prokuratura huzuridagi Departamentning Yashnobod tuman bo`limi tomonidan tadbirkorlik sub`ektlarining huquqlarini himoya qilish yuzasidan tergovga qadar tekshiruv o`tkazdi.
Unda, fuqaro S.S. noqonuniy daromad orttirish maqsadida, “S.T.” MChJ ta`sischisi N.ning ishonchiga kirib, jamiyatga tegishli avtoturargoh hujjatlarini tanishlari orqali mehmonxona faoliyatiga qayta rasmiylashtirib berish evaziga 20 000 AQSh dollarini qo`lga kiritganligi aniqlangan.
Fuqaro S.S.ning ko`rsatuvlariga asosan davom etgan tergovga qadar tekshiruvda, fuqaro D.K. yuqoridagi masalani ijobiy hal qilib berish evaziga S.S.dan 5 000 AQSh dollarini olib, o`zining ehtiyojlariga sarflab yuborganligi aniqlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo`zg`atilib, tergov harakatlari o`tkazilmoqda.