Bu haqda AOKAda Adliya vazirligi mutasaddilari ishtirokida bo`lib o`tayotgan matbuot anjumanida ma'lum qilindi.
“Davlat organlari va tashkilotlariga yuridik xizmat ko`rsatish faoliyatini yanada takomillashtirish chora-tadbirlari to`g`risida”gi Prezident qaroriga muvofiq 2021 yil 1 oktyabrdan:
tuman darajasidagi davlat organlarining yuridik xizmat shtat birliklari tugatilib Adliya vazirligi huzuridagi Yuridik xizmat ko`rsatish markazlari tashkil etiladi;
tuman darajasidagi davlat organlarining yuridik xizmat xodimlari adliya xodimi hisoblanadi;
tuman darajasidagi davlat organlarining yuridik xizmat xodimlarining o`rtacha oyligi uch barobar ko`tariladi;
tuman darajasidagi davlat organlarining barcha hujjatlari Yuridik xizmat ko`rsatish markazlarida ekspertizadan o`tkaziladi;
Yuridik xizmat ko`rsatish markazlarida ekspertizadan o`tkazilmagan barcha yuridik hujjatlar haqiqiy emas hisoblanadi;
tuman darajasidagi davlat organlari barcha hujjatlarni “E-huquqshunos” elektron tizimi orqali elektron tarzda qabul qiladi;
yuridik xizmat xodimlarining to`liq mustaqilligi ta`minlanadi;
yuridik xizmat xodimlarini ularning faoliyati bilan bog`liq bo`lmagan ishlarga jalb etish holatlari bartaraf etiladi;
aholi va ijrochilarga qonun hujjatlarining mazmun-mohiyatini etkazish va tushuntirishning yangi bo`g`ini yaratiladi;
malakali va yosh huquqshunoslar o`rtasida o`zaro tajriba almashish tizimi yo`lga qo`yilib, barcha yo`nalishlardagi murakkab huquqiy muammolarni kollegial tarzda echish imkoniyati yaratiladi;
davlat organlari va tashkilotlarida bir xil huquqni qo`llash amaliyoti shakllanadi.
