2021 yil 21 iyun kuni taxminan soat 13.20 da Yangihayot tumani “A. Turbanov” YPX postida Toshkent shahar IIBB xodimlari tomonidan poytaxtga kirmoqchi bo`lgan “Spark” rusumli (davlat raqami 01 N 006439) avtomobil to`xtatildi. Bu haqda shahar IIBB xabar bermoqda.
Xabarda aytilishicha, maxsus “Qoradori” tadbiri doirasida o`tkazilgan tekshiruv natijasida transport vositasi yo`lovchisi – 1973 yilda tug`ilgan Ildar Sh.ning sigaret qutisidan quritilgan o`simliksimon modda topildi. Topilgan modda xolislar guvohligidan olib qo`yilgach, tegishli hujjatlar rasmiylashtirilgandan so`ng fuqaro Yangihayot tumani IIO FMBga etkazilgan.
