2021 йил 21 июнь куни тахминан соат 13.20 да Янгиҳаёт тумани “А. Турбанов” ЙПХ постида Тошкент шаҳар ИИББ ходимлари томонидан пойтахтга кирмоқчи бўлган “Spark” русумли (давлат рақами 01 Н 006439) автомобиль тўхтатилди. Бу ҳақда шаҳар ИИББ хабар бермоқда.
Хабарда айтилишича, махсус “Қорадори” тадбири доирасида ўтказилган текширув натижасида транспорт воситаси йўловчиси – 1973 йилда туғилган Илдар Ш.нинг сигарет қутисидан қуритилган ўсимликсимон модда топилди. Топилган модда холислар гувоҳлигидан олиб қўйилгач, тегишли ҳужжатлар расмийлаштирилгандан сўнг фуқаро Янгиҳаёт тумани ИИО ФМБга етказилган.
