Respublika Transport prokuraturasi so`nggi paytlarda muammolar ko`p kuzatilayotgan Toshkent metropolitenida o`rganish ishlarini olib bordi.Bu haqda “Oʻzbekiston 24” telekanali orqali maʼlum qilindi.
O`tkazilgan tahlil natijalariga ko`ra, sohada ko`plab qonunbuzilish holatlari sodir etilgani aniqlangan. Xususan, 2021 yilning may—iyun oylarida Toshkent metropoliteni UKda o`tkazilgan o`rganishlar natijasida jami 650 ta inson omili bilan bog`liq kamchilik topilgan.
Shuningdek, Toshkent halqa yo`li erosti metropolitenida olib borilgan qurilish ishlarida 899 million so`m talon-toroj qilingan va ushbu holatlar yuzasidan jinoiy ish qo`zg`atilgan.
Qayd etish joizki, mart oyidan buyon Toshkent metropoliteni bilan bog`liq shu kabi voqealar tez-tez yuz bermoqda.
