Qashqadaryolik I.K 2021 yilning fevral oyida Shvesiya davlatiga ishlash uchun borib, 20 iyun kuni salomatligi yomonlashib, vafot etgan. Bu haqda Tashqi mehnat migrasiyasi agentligi xabar bermoqda.
Oila a`zolarining murojaatiga asosan, O`zbekistonning Germaniyadagi elchixonasi bilan birgalikda marhumning jasadini Vatanga qaytarish yuzasidan tashkiliy-huquqiy ishlar amalga oshirildi. 3 iyul kuni Xorijda mehnat faoliyatini amalga oshiruvchi fuqarolarni qo`llab-quvvatlash hamda ularning huquq va manfaatlarini himoya qilish jamg`armasi mablag`lari hisobidan O`zbekistonga olib kelindi.
Ma`lumot o`rnida, joriy yilning 6 oyida xorijda vaqtinchalik mehnat faoliyatini amalga oshirayotgan vaqtda vafot etgan 218 nafar fuqarolarning jasadi Vatanga qaytarildi.
