O`zbekistonda xizmat ko`rsatgan jurnalist Mahmud Komiljonov vafot etdi. Bu haqda O`zbekiston Jurnalistlari ijodiy uyushmasi xabar bermoqda.
Mahmud Komiljonov 1938 yil Toshkent shahrida tug`ilgan. Toshkent davlat universitetining (hozirgi O`zMU) jurnalistika fakultetini tamomlagan.
O`z faoliyatini "O`sh haqiqati" gazetasida boshlagan. 1968 yildan "Toshkent oqshomi" gazetasida bo`lim mudiri lavozimida ishlagan.
Uning "Sizni izlab qaydan toparman", "Sizni sevardim" va boshqa to`plam asarlari, dramaturgiya janrida yozilgan "Sirtmoq", "Qo`shni qizga uylanaman", "Tarsaki" va ko`plab pesalari poytaxt hamda viloyat teatrlarida sahnalashtirilib, tomoshabinlar e`tirofiga sazovor bo`lgan.
