Hukumatning tegishli qarori bilan O`zbekiston Respublikasi va xorijiy hamkor oliy ta`lim tashkilotlarining qo`shma ta`lim dasturlari asosida ta`lim faoliyatini tashkil etish tartibi to`g`risidagi nizom tasdiqlandi.
Unga muvofiq, qo`shma ta`lim dasturlariga quyidagilar jalb qilishi mumkin:
— Xalqaro 1 000 talikka kirgan xorijiy oliy ta`lim tashkilotlari;
— Oliy ta`limda sifatni kafolatlash Evropa assosiasiyasining a`zolari;
— AQSh, Avstraliya, Isroil, Kanada, Rossiya, Singapur, Janubiy Koreya, Yaponiyaning akkreditasiya qilingan oliy ta`lim tashkilotlari;
— Xalqaro shartnomalar, Prezident va Hukumat qarorlariga muvofiq qo`shma ta`lim dasturlari asosida kadr tayyorlash huquqiga ega bo`lgan tashkilotlar.
Qo`shma ta`lim dasturlari Oliy va o`rta maxsus ta`lim vazirligi tomonidan 15 ish kunida bepul ekspertizadan o`tkaziladi.
Qo`shma ta`lim dasturlarida o`qishga qabul qilish 2 bosqichda amalga oshiriladi:
- kirish imtihonlari;
- qo`shma ta`lim dasturida o`qitish olib boriladigan tilda kirish imtihonlari.
