O`zbekiston elektron ommaviy axborot vositalari milliy assosiasiyasi (O`zEOAVMA) O`zbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan do`stlik aloqalari qo`mitasi va O`zbekiston Kinematografiya agentligi qator hamkor tashkilotlar bilan birgalikda “Do`stlik” videroliklar tanlovini e`lon qiladi.
30 iyul – “Xalqlar do`stlik kuni”ga bag`ishlangan mazkur tanlov O`zbekistonda istiqomat qiluvchi turli millat va elatlar o`rtasidagi totuvlikni mustahkamlash yo`nalishida amalga oshirilayotgan islohotlar, milliy madaniy markazlar, do`stlik jamiyatlarining faoliyati, xorijiy mamlakatlar bilan madaniy-gumanitar va do`stlik aloqalarini rivojlantirish, aholi, ayniqsa, yoshlar orasida turli millatlar tili, madaniyati, an`analari, urf-odatlarini asrab-avaylash va hurmat qilish g`oyalarini aks ettiradi.
Tanlov qo`yidagi nominasiyalar bo`yicha o`tkaziladi:
“Eng yaxshi videorolik”,
“Havaskor yoshlar tayyorlagan eng yaxshi videorolik”,
“3D” o`lchamdagi eng yaxshi videorolik”
Har bir nominasiyalar bo`yicha tanlov g`oliblari alohida tartibda:
1- o`rin - 50 million;
2- o`rin - 30 million;
3- o`rin - 15 million;
Shuningdek, 10 ta rag`batlantiruvchi o`rin - 5 million so`mdan mukofotlanadi.
“Do`stlik” videoroliklar tanlovi g`oliblari 2021 yil 28 iyul kuni - “Xalqlar do`stligi kuni” munosabati bilan o`tkaziladigan bayram tadbirilarida taqdirlanadilar.
Videoroliklar 2021 yilning 20 iyuliga qadar O`zbekiston elektron ommaviy axborot vositalarining milliy assosiasiyasiga yuborilishi lozim.
Manzil: Toshkent shahri, Chilonzor tumani, Chilonzor ko`chasi, 1a uy (O`zbekiston Kinematografiya agentligi binosi).
Murojaat uchun telefonlar: + 998 94 652 66 95; + 998 94 642 22 12
Telegramm kanali manzili: (94) 652-66-95, elektron manzili ozeoavma@gmail.com.
