Yangi O`zbekiston universitetida yillik kontrakt 49 700 000 so`m, xorijliklar uchun esa 10.000$ etib belgilandi. Bu haqda Davlat test markazi xabar bermoqda.
Ma`lumot uchun, universitetda ta`lim jarayoni dunyoning eng nufuzli oliy o`quv yurtlari bilan hamkorlikda tashkil etiladi. Masalan, Kembrij universiteti qabul imtihonlarini o`tkazadi. Massachusets texnologiya instituti hamda Myunxen texnika universiteti bilan birgalikda o`quv reja va dasturlar ishlab chiqiladi.
Universitetda 5 ta fakultetlari bo`ladi:
- muhandislik;
- tabiiy fanlar;
- boshqaruv;
- agrotexnologiyalar;
- axborot texnologiyalari
Darslar o`zbek va ingliz tillarida olib boriladi. Kredit-modul tizimi joriy etilib, o`qish davlat granti va to`lov-kontrakt asosida amalga oshiriladi.
Ilk o`quv yili shu yil sentyabrdan boshlanadi. Yangi bino qurilguncha darslar Jahon iqtisodiyoti va diplomatiya universitetining bo`sh binolarida vaqtinchalik o`tib turiladi.
Ingliz tilidagi sertifikatdan tashqari abitruent tanlagan yo`nalishga muvofiq matematika va kimyo yoki fizika-matematikadan imtihon topshirishi kerak.
