Xalqaro Shaxmat akademiyasida yangi «Shaxmat» jurnalining taqdimot marosimi bo`lib o`tdi.
Turizm va sport vazirligi qoshidagi «Milliy PR-markazi» DUK hamda O`zbekiston shaxmat federasiyasi hamkorligida chop etilgan mazkur jurnal O`zbekiston Respublikasi Prezidentining 2021 yil 14 yanvardagi «Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari to`g`risida»gi qarorida belgilangan vazifalardan kelib chiqqan holda tayyorlandi.
«Shaxmat» jurnali oyda bir marta chop etiladi va unda shaxmatga oid yangiliklardan xabardor bo`lish bilan birga, mushtariylar ushbu sport turiga oid mantiqiy jumboqlarni echishda ishtirok etishi mumkin.
