Kecha, 20 iyul kuni Qirg`izistonning Jalolobod viloyati Olabuqa tumani hududlaridan Namangan viloyati Kosonsoy tumani Obod MFY hududlariga kirib kelayotgan chaqmoq-momaqaldiroqli bulutli zona kirib kelgan.
Shu sabab viloyatda kuchli jala yog`inlar yog`ib o`tdi. Yuzaga kelgan vaziyat yuzasidan hokimlik axborot xizmati ma`lumot berdi.
Ma`lum qilinishicha, tumanlardagi FVB Gidrometeorologik jarayonlarga ta`sir ko`rsatish boshqaruv monitoring stansiyasi tomonidan do`l yog`masligi uchun bulut zonasi atrofiga ta`sir ko`rsatildi.
Namangan viloyatining Uychi, Namangan, Kosonsoy, To`raqo`rg`on tumani ayrim hududlarida kuchli jala yog`inlar yog`ib o`tdi.
Hozirda Namangan shahri, Kosonsoy hamda To`raqo`rg`on tumanlarining ayrim hududlarida FVB kuchlari ish olib bormoqda.
Qo`shimcha ravishda favqulodda vaziyatlarda davlat quyi tizimlari, xususan viloyat hokimi va sektor rahbarlari voqea joyiga chiqib, zarur choralar ko`rilgani ma`lum qilinmoqda
Tumanlardan suv tortish va boshqa qo`shimcha texnikalar safarbar etilgan.
"Jabrlangan, tan jaroxat olganlar yo`q. Siz azizlardan vahimaga berilmasligingizni so`raymiz", - deyiladi rasmiy xabarda.