Ijtimoiy tarmoqlarda shu yilning 19 iyul kuni 15-16 yoshli bolalar 45 yoshli taksichini vaxshiylarcha o`ldirib dalaga tashlab ketishganligi haqida xabarlar tarqalgan. Mazkur holat yuzasidan 20 iyul kuni Farg`ona viloyati prokuraturasi tomonidan Jinoyat kodeksining 97 (Qasddan odam o`ldirish) va 164 (Bosqinchilik) bilan jinoyat ishi qo`zg`atilgan. Bu haqda Bosh prokurorining matbuot kotibi - axborot siyosati masalalari bo`yicha maslahatchisi xabar bermoqda.
Jinoyat ishi doirasida 4 nafar shaxs (3 nafari voyaga etmagan) gumonlanuvchi tariqasida prosessual tartibda ushlangan.
Tergov harakatlari olib borilmoqda.
