Ijtimoiy tarmoqlarda Toshkentdagi garajlardan birida 3-4 yigit ov quroli bilan turumtoy qushlarini otib o`ldirayotganligi aks etgan video joylashtirildi.
Davlat ekologiya qo`mitasi axborot xizmati ma`lum qilishicha , videoda tasvirlangan holat 2020 yil sentyabr oyida sodir etilgan.
Bunda noma`lum shaxslar tomonidan ikki dona turumtoy qushlari pnevmatik qurol bilan otilganligi tasvirlangan.
Toshkent viloyati Ekologiya va atrof-muhitni muhofaza qilish boshqarmasi xodimlari tomonidan surishtiruv ishlari amalga oshirilib, qonunbuzar fuqaro shaxsi aniqlangan.
Fuqaroga nisbatan MJtKning 90-moddasiga asosan 1 mln 115 ming so`m jarima hamda hayvonot olamiga etkazilgan zarar uchun 4 mln 446 ming so`m miqdorda ustama to`lov belgilangan.
