Ижтимоий тармоқларда Тошкентдаги гаражлардан бирида 3-4 йигит ов қуроли билан турумтой қушларини отиб ўлдираётганлиги акс этган видео жойлаштирилди.
Давлат экология қўмитаси ахборот хизмати маълум қилишича , видеода тасвирланган ҳолат 2020 йил сентябрь ойида содир этилган.
Бунда номаълум шахслар томонидан икки дона турумтой қушлари пневматик қурол билан отилганлиги тасвирланган.
Тошкент вилояти Экология ва атроф-муҳитни муҳофаза қилиш бошқармаси ходимлари томонидан суриштирув ишлари амалга оширилиб, қонунбузар фуқаро шахси аниқланган.
Фуқарога нисбатан МЖтКнинг 90-моддасига асосан 1 млн 115 минг сўм жарима ҳамда ҳайвонот оламига етказилган зарар учун 4 млн 446 минг сўм миқдорда устама тўлов белгиланган.
