Kecha, 27 iyul kuni soat 20:30 larda, Toshkent shahar, Yashnobod tumani, Abdulla Qodiriy ko`chasida 3 ta mashina ishtirokida YTH sodir bo`ldi. Bu haqda IIV YHXBB Axborot xizmati xabar berdi.
Ma`lum qilinishicha, bir yo`nalishda oldinma-ketin harakatlanayotgan:
1) haydovchi, 1992 yilda tug`ilgan O.M. boshqaruvidagi "Mercedes-Benz" rusumli;
2) haydovchi, 1980 yilda tug`ilgan S.X. boshqaruvidagi yana bir "Mercedes-Benz" rusumli;
3) haydovchi, 1975 yilda tug`ilgan B.A. boshqaruvidagi "Nissan" rusumli avtomobillar ishtirokida to`qnashuv sodir bo`lgan.
To`qnashuv natijasida tan jarohati olganlar yo`q.
Mazkur YTH yuzasidan Toshkent shahar IIBB YHXB xodimlari tomonidan surishtiruv harakatlari olib borilmoqda.
