26 iyul kuni soat 14:58da Samarqand shahar Shohizinda ko`chasidagi 242-uyda yong`in sodir bo`ldi. Bu haqda viloyat FVB Axborot xizmati xabar bermoqda.
Ma`lum qilinishicha, olingan xabarga asosan yong`in joyiga 5 ta YoQElari jalb etilgan. Yong`in joyiga birinchi YoQE soat 15:04 etib borganda, 5 ta xonadonning taxminan 200 m. kv maydonda shift va tom qismi xamda uy jixozlari yonayotgan bo`lgan. Yong`in kuchli shamol natijasida tezda katta maydonga tarqalgan. Tezkor xarakatlar natijasida yong`in soat 15:39 da o`rab olinib, soat 17:00 da o`chirilgan.
Yong`inda jarohat olganlar yo`q.
Yong`inning sababi va zarari aniqlanmoqda.
