Ijtimoiy tarmoqlar orqali tarqalayotgan hududiy hokimliklar hamda tashkilotlar rahbarlari tomonidan ish vaqtidan tashqari vaqtlardagi va ayrim hollarda dam olish kunlari yig`ilishlar tashkil etilayotganligi to`g`risidagi xabarlar ko`plab muhokamalarga sabab bo`lmoqda.
Bandlik va mehnat munosabatlari vazirligining bayonotiga ko`ra, Davlat mehnat inspeksiyasi tomonidan xodimlarning kafolatlangan mehnat huquqlarini ta`minlash maqsadida tegishli hokimiyat, vazirlik, va tashkilotlarga xodimlarni ishdan tashqari vaqtda hamda dam olish kunlari ishga jalb qilish to`g`risida buyruq rasmiylashtirish hamda tegishli to`lovlarni amalga oshirish yuzasidan ogohlantirish xatlari berilgan.
️Vazirlik barcha ishchi xodimlarga ish vaqtidan tashqari vaqtlardagi yig`ilishlar, videoselektorlarga qatnashish bu ixtiyoriy ekanligini hamda xodimlar yig`ilishlarga qatnashmagan taqdirda ish beruvchi tomonidan biron bir intizomiy jazo qo`llash mumkin emasligini eslatib o`tdi.
️Ta`kidlanishicha, Davlat mehnat isnpeksiyasiga yig`ilishlarda majburan ishtirok etgan xodimlar tomonidan murojaat kelib tushmagan.
