Internet tarmog`ida "Qalampir.uz" jurnalisti Feruza N.ni obro`sizlantiruvchi video tarqaldi.
Ma`lum bo`lishicha, mazkur holat yuzasidan Feruza N. unga tuhmat qilgan shaxslarga nisbatan qonuniy chora ko`rishni so`rab Toshkent shahar IIBBga ariza bilan murojaat qilgan ma`lum qilgan.
"Hozirda murojaat bo`yicha tergovga qadar tekshiruv olib borilmoqda, natijasi bo`yicha qonuniy qaror qabul qilinadi."-deyiladi IIBB xabarida.
Shu o`rinda , fuqarolar, yolg`on xabar tarqarish O`zbekiston Respublikasi Jinoyat kodeksining 244-6 moddasi («Yolg`on axborot tarqatish»), hamda tuhmat qilish O`zbekiston Respublikasi Jinoyat kodeksining 139-moddasiga («Tuhmat») ko`ra javobgarlikka sabab bo`lishidan ogohlantirilmoqda.
Bundan tashqari, pornografik mahsulotni tarqatish O`zbekiston Respublikasi Ma`muriy javobgarlik to`g`risidagi kodeksining 189-moddasi («Pornografik mahsulotni tayyorlash, olib kirish, tarqatish, reklama qilish, namoyish etish»), O`zbekiston Respublikasi Jinoyat kodeksining 130-moddasiga («Pornografik mahsulotni tayyorlash, olib kirish, tarqatish, reklama qilish, namoyish etish») ko`ra javobgarlikka sabab bo`lishi ta`kidlanmoqda.
