Bu haqda darakchi.uz ga xabar bergan FVVga ko`ra, joriy yil 5 avgust kuni soat 18: 40 atrofida Uchqo`rg`on tumani O`rdabog` mahallasida yashagan 42-sonli maktabning 8-sinf o`quvchisi A.R. dehqon bozoridan chiqib, yaqindan oqib o`tuvchi Norin daryosiga cho`milgani tushgan va shundan so`ng bedarak yo`qolgan.
6 avgust kuni bolaning ota-onasi va yaqinlari tuman favqulodda vaziyatlar boshqarmasiga murojaat qilgan. Shundan beri har kuni 40 ga yaqin g`ovvos Norin daryosining Uchqo`rg`on tumanidan boshlab, Pop tumanigacha bo`lgan qismidan bolani izlashmoqda.
Ma`lum qilinishicha, suvga maxsus to`r ham tashlangan. Shuningdek, tuman favqulodda vaziyatlar bo`limi yong`in qutqaruvchilari tomonidan suv ustida qidiruv ishlari olib borilmoqda.
Ma`lumot o`rnida, O`zbekistonning Namangan viloyati hududidan oqib o`tuvchi Norin daryosida cho`milish qat`iyan taqiqlanadi.
