Ma`lumki hozirda butun dunyoda koronavirusga qarshi vaksinalarga ehtiyoj katta. Vaksina etkazib beruvchi mamlakatlar esa ularning barchasiga zarur miqdordagi vaksinani tezkorlik bilan etkazib berishga ulgurolmayapti. Bunday sharoitda aholining talabi va ishlab chiqarish sharoitlarini hisobga olgan holda jarayonni tezlashtirish maqsadga muvofiqdir.
Shu maqsadda O`zbekistondagi “Jurabek laboratories” qo`shma korxonasida rossiyalik hamkorlar bilan “Sputnik V” vaksinasini qadoqlash va quyish bo`yicha hamkorlik yo`lga qo`yildi. Hozirda korxona tomonidan vaksinaning ilk partiyasi ishlab chiqarildi va sifat nazoratidan o`tkazish uchun Rossiya Federasiyasining N.F.Gamaleya nomidagi Epidemiologiya va mikrobiologiya milliy tadqiqot markaziga jo`natildi. Markaz ularni ijobiy deya tasdiqladi. Tez orada vaksinaga bo`lgan ehtiyoj o`zimizda qoplanadi.
Kuni kecha bir guruh jurnalist va blogerlar ishtirokida AOKA tashabbusi bilan Olmaliq shahridagi “Jurabek laboratories” qo`shma korxonasiga press-tur tashkil etildi. Ishtirokchilar korxonada “Sputnik V” hamda ZF-UZ-VAS2001 vaksinalarini ishlab chiqarish uchun yaratilgan texnik imkoniyatlar bilan tanishishdi. Korxonaning ishlab chiqarish bo`yicha direktor o`rinbosari Aziz Sodiqov jurnalistlarga muhim ma`lumotlarni taqdim etdi.
– Yurtimizda vaksinaning dastlabki tayyorlash jarayoni 2 kun davom etdi. Unda rossiyalik mutaxassislar ham ishtirok etib, kuzatib borishdi. Sinov partiyalarining barchasi tegishli laboratoriya tekshiruvlaridan o`tkazish uchun Rossiyaga yuborilgan edi. Kuni kecha tekshiruv xulosalari olindi, ular tekshiruvlardan muvaffaqiyatli o`tibdi. Endilikda aholimizga«Sputnik V» vaksinasini o`zimiz etkazib beramiz. Keyingi bosqichda tijoriy maqsadda ham ishlab chiqarishimiz mumkin. Dastlabki bosqichda bir oyda 2 mln dozadan 10 mln dozagacha ishlab chiqarish rejalashtirilgan.
Ma`lumot uchun:
“Jurabek” xususiy korxonasi 1994 yilda dorixona sifatida ish boshlagan.
1996 yilda dorixona negizida Hindistonning “Ace Laboratories Ltd” hamda BAAning “Bravo Medical Equipment Trading. Est.” kompaniyalari bilan hamkorlikda “Jurabek Laboratories” qo`shma korxonasi ochilgan.
1999 yilda kapsulali preparatlarni ishlab chiqaruvchi sex faoliyati yo`lga qo`yildi.
2001 yilda Polshaning «Polfa Grodzinsk» kompaniyasi bilan hamkorlikda tabletkali preparatlar ishlab chiqarila boshladi.
2004 yilda sefalosporin qatoridagi antibiotiklar ishlab chiqarish sexi faoliyati yo`lga qo`yildi.
2006 yilda “Jurabek Laboratories” kompaniyasida import o`rnini bosuvchi mahsulotlar ishlab chiqarish mahalliylashtirish dasturiga kirishildi.
2007 yilda “Jurabek Laboratories” “Eng yaxshi ishlab chiqarish korxonasi” degan maqomga ega bo`ldi.
“Jurabek Laboratories” mahsulotlari jahon standartlariga mosligi SO 9001 va ISO 13485 sertifikatlari, shuningdek ishlab chiqarish sharoitlari Evropaning 2003/94/EI direktivasiga mosligi (EU-GMP) sertifikatlari bilan tasdiqlangan.
O`zbekistonda koronavirus infeksiyasiga qarshi vaksinalar miqdori ko`paydi. Bu haqda Sog`liqni saqlash vazirligi matbuot xizmati xabar berdi. Ma`lum qilinishicha, O`zbekistonda ishlab chiqarilgan 6 172 770 doza...
Yurtimizda COVID-19ga qarshi qo`llanilgan vaksina miqdori 40,5 million dozadan oshdi.14 yanvarda mamlakatimiz hududlari bo`ylab 142 800 doza COVID-19ga qarshi vaksina qo`llanildi. Ulardan:1-bosqich emlanganlar 142 800...
7 yanvarda mamlakatimiz hududlari bo`ylab 154 024 doza COVID-19ga qarshi vaksina qo`llanildi. Ulardan:1-bosqich emlanganlar 19 069 nafarni, 2-bosqich emlanganlar 71 408 nafarni,3-bosqich emlanganlar 63 547...
30 dekabr holatiga ko`ra, yurtimizda 623 094 doza Pfizer vaksinasi bilan 12 yoshdan 18 yoshgacha bo`lgan bolalar ixtiyoriy ravishda emlandi.Ulardan:1-bosqich emlanganlar 439 880 nafarni,2-bosqich emlanganlar...
