Avvalroq, muftiy Usmonxon Alimov hazratlarining salomatliklarini yaxshilash uchun navbatdagi davolanish muolajalari amalga oshirilayotgani haqida xabar bergan edik.
O`zbekiston musulmonlari idorasi Matbuot xizmatining ma`lum qilishicha, Moskva shahrida joylashgan klinikalardan birida davolayotgan O`zbekiston musulmonlari idorasi raisi, muftiy Usmonxon Alimov hazratlari o`pka va qon-tomir kasalliklari, xususan o`pka pnevmoniyasi bo`yicha muolajalar olmoqdalar.
Ayni kunlarda hazratning holatlari barqaror. Davolash tadbirlari tajribali shifokorlar tomonidan tibbiyot sohasining ilg`or yutuqlarini qo`llagan holda davom ettirilmoqda.
Muftiy hazratlari tezroq sog`ayishlari, xalqimiz, mo`min-musulmonlar va yaqinlari baxtiga sog`-omon bo`lishlarini Haq taolodan duo qilib, so`rab qolamiz.
