Davlat test markazi "Botanika bog`i" da bugun ham davom etgan test sinovlariga quyidagicha izoh berdi.
Unga ko`ra, bo`lib o`tayotgan test sinovlari Astraxan davlat texnika universitetining Toshkent viloyatidagi filialiga kirish uchun o`tkazilayotgan bo`lib, mazkur imtihon filialning o`zi tomonidan tashkil etilgan.
Mazkur imtihonning Davlat test markaziga yoki O`zbekiston Respublikasidagi davlat oliy ta`lim muassasalarining bakalavriat ta`lim yo`nalishlariga kirish test sinovlariga hech qanday aloqasi yo`q.
"2021-yil 17-avgust kuni Davlat test markazi tomonidan hech qanday imtihon o`tkazilishi belgilanmaganligini ma`lum qilamiz.", deyiladi xabarda.
