G`ijduvon tumani Ichki ishlar organlari faoliyatini muvofiqlashtirish boshqarmasi xodimlari tomonidan «Qoradori-2021» keng qamrovli tezkor profilaktik tadbiri o`tkazildi. Bu haqda Buxoro viloyati IIB Axborot xizmati xabar bermoqda.
Tadbir davomida, olingan tezkor ma`lumotlar asosida G`ijduvon tumani Ko`shk mahallasida yashovchi, 1983 yilda tug`ilgan B.M.ning yashash uyi tomorqa er maydonlari ko`zdan kechirilganda, 2 tup «kannabis» o`simligini qonunga xilof ravishda ekib parvarishlab kelayotganligi aniqlanib, xolislar ishtirokida tegishli tartibda hujjatlashtirilib olingan.
Mazkur holat yuzasidan B.M. ga nisbatan Jinoyat kodeksining 270-moddasi 1-qismi bilan jinoyat ishi qo`zg`atilib, dastlabki tergov harakatlari olib borilmoqda.