Toshkent shahrida 2016 yil 8 aprel kuni Shanxay hamkorlik tashkiloti Mintaqaviy aksilterror tuzilmasi (ShHT MATT) Kengashining navbatdagi yigirma sakkizinchi majlisi bo`lib o`tdi. Qozog`iston Respublikasi raisligida tashkil etilgan majlisda Qozog`iston Respublikasi, Xitoy Xalq Respublikasi, Qirg`iziston Respublikasi, Rossiya Federasiyasi, Tojikiston Respublikasi va O`zbekiston Respublikasi vakillari ishtirok etdi.
Majlisda ShHTga a`zo davlatlarning terrorizm, separatizm va ekstremizmga qarshi kurashish bo`yicha 2013-2015 yillarga mo`ljallangan hamkorlik dasturini amalga oshirish yakunlari va ShHT MATT Kengashi qarorlari ijrosi muhokama qilindi. ShHT Davlat rahbarlari kengashiga ko`rib chiqish uchun taqdim etiladigan ShHT MATT Kengashining mazkur xalqaro tuzilmaning 2015 yildagi faoliyati to`g`risidagi ma`ruzasi loyihasi ma`qullandi. ShHT MATT faoliyati terrorizm, separatizm va ekstremizm kabi hozirgi kundagi tahdid va xavf-xatarlarga qarshi kurashish borasidagi talablarga javob berishi ta`kidlandi.
ShHTga a`zo davlatlar vakolatli organlarining internet tarmog`idan terrorizm, separatizm va ekstremizm maqsadlarida foydalanish holatlarini aniqlash va ularning oldini olish bo`yicha Xitoy Xalq Respublikasida o`tkazilgan “Syamin – 2015” birgalikdagi o`quv mashqlari yakunlariga yuqori baho berildi.
Majlis ishtirokchilari hozirgi kundagi tahdid va xavf-xatarlar, jumladan, xalqaro terroristik tashkilotlar tomonidan bo`layotgan xurujlarga qarshi kurashish bo`yicha qo`shma chora-tadbirlar yuzasidan kelishib oldi. Shuningdek, aholi o`rtasida diniy-ekstremistik g`oyalarga qarshi immunitetni kuchaytirishga yo`naltirilgan ishlarni takomillashtirish masalalarini muhokama qildi.
2016 yilning IV choragida ShHTga a`zo va kuzatuvchi davlatlar delegasiyalari ishtirokida xalqaro terrorizm va ekstremizmga qarshi kurashish sohasidagi hamkorlik masalalariga bag`ishlangan to`rtinchi ilmiy-amaliy konferensiyani o`tkazishga kelishildi.
2014 yilda Shanxay hamkorlik tashkiloti Osiyoda hamkorlik va ishonch choralari bo`yicha kengash kotibiyati bilan rasmiy aloqalar o`rnatgan edi. Majlisda terrorizm, separatizm va ekstremizmga qarshi kurashish sohasida sheriklikni yo`lga qo`yish maqsadida ShHT MATT va ushbu tashkilot o`rtasida hamkorlikni nazarda tutuvchi hujjatlar loyihalari ma`qullandi.
ShHT MATT faoliyatini rivojlantirish va ShHTga a`zo davlatlar vakolatli organlari hamkorligini mustahkamlashga qo`shgan shaxsiy hissasi uchun mazkur davlatlar vakolatli organlarining qator xodimlari va ShHT MATT Ijroiya qo`mitasining mas`ul xodimlari rag`batlantirildi.
ShHT MATT Ijroiya qo`mitasi faoliyatini tashkiliy va kadrlar bilan, moliyaviy ta`minlash, ShHTga a`zo davlatlarning terrorizm, separatizm va ekstremizmga qarshi kurashish sohasidagi hamkorligining huquqiy asoslarini yanada takomillashtirishga doir masalalar yuzasidan qarorlar qabul qilindi.
ShHT MATT Kengashi majlisi ishchanlik va amaliy ruhda o`tdi.
29.04.2024, 14:00
2024 yilning yanvar-mart oylarida nominal hisoblangan ish haqi o`rtacha 8 mln.ni tashkil etadi. Bu haqda Statistika agentligi xabar berdi. Ish haqining eng yuqori ko`rsatkichlari Toshkent...22.04.2024, 15:52
Toshkent shahrida ijara narxlari pasayishda davom etmoqda. Bu haqda Makroiqtisodiy va hududiy tadqiqotlar instituti mutaxassislari ma`lum qildi. 2024 yil mart oyida fevralga nisbatan poytaxtda o`rtacha ta`mirlangan xonadonlar ijara...17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...