Ishonchli vakillar nomzodga saylov kampaniyasini o`tkazishda yordam beradi, saylash uchun tashviqot olib borib, saylovchilar bilan bo`ladigan uchrashuvlarda nomzodning manfaatlarini ifoda etadi.
“Adolat” SDPdan O`zbekiston Respublikasi Prezidentligiga nomzod Bahrom Abduhalimovning Farg`ona viloyati bo`yicha ishonchli vakili Muhammadjon Valiev ham belgilangan tartibga asosan saylovchilar bilan uchrashuvlar o`tkazmoqda.
Bu haqda “Adolat” SDP Farg`ona viloyat Kengashi matbuot xizmati xabar bermoqda.
Unga ko`ra, navbatdagi uchrashuv Quva tumanidagi 13-sonli musiqa va san`at maktabida tashkil etilgan.
Davlat boshqaruvining barcha sohalarida ayniqsa, sud tizimi va huquqni muhofaza qilish idoralari faoliyatida, ta`lim sohasida korrupsiyani yo`q qilishga qaratilgan maqsad va takliflar nomzod saylovoldi dasturida alohida belgilangan.
Hududlardagi uchrashuvlarda ishonchli vakil mazkur jihatga e`tibor qaratgan. Maqsad va vazifalarini lo`nda ifoda etgan. Saylovoldi dasturida ko`zda tutilgan tashabbuslar bilan aholini tanishtirilgan.
"Qonun ustuvor bo`lgan joyda adolat barqaror bo`ladi. Qonun mustahkam bo`lgan joyda ko`nglimizda halovat, turmushimizda xotirjamlik, hayotimizda farovonlik hukm suradi, – deydi Adolat” SDPdan O`zbekiston Respublikasi Prezidentligiga nomzod Bahrom Abduhalimovning Farg`ona viloyati bo`yicha ishonchli vakili Muhammadjon Valiev.
" Adolatsiz jazo va jarimalarni qayta ko`rib chiqiladi. Jarimalar, birinchi navbatda, xalqning real daromadiga mutanosib bo`lishi, shuningdek, jarimalar ularning ijtimoiy xavflilik darajasidan kelib chiqib, belgilanishi ta`minlanadi. Ayrim jinoyat turlariga ma`naviy jazo choralarini qo`llashni ilgari suramiz",–deya ta`kidlaydi u.
Shuningdek, yig`ilishda jamiyatda korrupsiyaga nisbatan mutlaqo murosasizlik madaniyatini shakllantirishga qaratilgan chora-tadbirlar haqida to`xtalib o`tilgan.
