AOKAda "Mahalla va oila" ilmiy tadqiqot instituti mutasaddilari ishtirokida bo`lib o`tgan matbuot anjumanida institutining 9 oylik faoliyati tahlili, kelgusidagi rejalar haqida ma`lumot berildi.
Ta`kidlanishicha, institut tomonida 50 ta qisqa muddatli ilmiy-amaliy loyihalar bajarilgan.
Shuningdek, 34 ta ilmiy-ommabop, uslubiy qo`llanma, monografiya va risolalar tayyorlandi hamda nashr qilindi.
Oilaviy qadriyatlarni mustahkamlashning ilmiy asoslarini ishlab chiqish yo`nalishida ham bir qator ishlar amalga oshirilgan, jumladan, “Zo`rlik ishlatishdan jabr ko`rgan shaxslarni reabilitasiya qilish va moslashtirish hamda o`z joniga qasd qilishning oldini olish markaz”ida bo`lgan ayollar uchun “Reabilitasiyadan so`ng oilaga qayta moslashish” mavzusida amaliy tavsiyanoma ishlab chiqildi.
