АОКАда "Маҳалла ва оила" илмий тадқиқот институти мутасаддилари иштирокида бўлиб ўтган матбуот анжуманида институтининг 9 ойлик фаолияти таҳлили, келгусидаги режалар ҳақида маълумот берилди.
Таъкидланишича, институт томонида 50 та қисқа муддатли илмий-амалий лойиҳалар бажарилган.
Шунингдек, 34 та илмий-оммабоп, услубий қўлланма, монография ва рисолалар тайёрланди ҳамда нашр қилинди.
Оилавий қадриятларни мустаҳкамлашнинг илмий асосларини ишлаб чиқиш йўналишида ҳам бир қатор ишлар амалга оширилган, жумладан, “Зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш марказ”ида бўлган аёллар учун “Реабилитациядан сўнг оилага қайта мослашиш” мавзусида амалий тавсиянома ишлаб чиқилди.
