Bugun, 30 sentyabr kuni soat 15:34 da Andijon viloyati Shaxrixon tumanida joylashgan ikki qavatli “Super market”ning erto`lasida yong`in ro`y berdi. Bu haqda Favqulodda vaziyatlar vazirligi Axborot xizmati xabar bermoqda.
Xabarga ko`ra, voqea joyiga 9 ta yong`in-qutqaruv ekipaji soat 15:40 da etib borib, yong`in soat 16:17 da o`rab olingan va soat 16:29 da o`chirilgan.
Hodisa oqibatida jabrlangan va halok bo`lganlar yo`q.
Hozirda yong`inning kelib chiqish sababi va moddiy zarar miqdori aniqlanmoqda.
