Oliy sud 1999 yil 16 fevralda Toshkentda sodir etilgan teraktlarda ayblangan sobiq bojxona xodimlarining ishini ko`rishni boshladi.
Bu haqda Zamon.uz nashri xabar bermoqda.
Ma`lumotlarga ko`ra, bir necha sobiq bojxona xodimi 2021 yilda oqlangan. Biroq Toshkent viloyati prokurori oqlov hukmi ustidan shikoyat qilganidan so`ng, ish qayta ko`rib chiqishga yuborilgan.
30 sentyabrda Oliy sudning jinoyat ishlari bo`yicha sudyalar kollegiyasi ishni apellyasiya tartibida ko`rib chiqishni boshlagan. Prokuror Toshkent viloyati prokurorining protestini qo`llab-quvvatlashini bildirgan va sobiq bojxona xodimlarining oqlanishini bekor qilishni va ishni apellyasiya tartibida ko`rib chiqishni so`ragan.
Shu bilan birga, sudlanuvchilarning advokatlari sudga ayblanuvchining aybsizligini va prokuror protestida keltirilgan dalillar aybni tan olish uchun asos bo`la olmasligini e`lon qilishgan.
Sudlanuvchilar suddan 2021 yil 24 iyulda Toshkent viloyati sudining apellyasiya instansiyasi tomonidan chiqarilgan oqlov qarorini kuchda qoldirishni va protestni qondirishni rad etishni so`rashagan.
Ma`lumot o`rnida aytilishicha, Sud tanaffus e`lon qildi, ish bo`yicha keyingi sud majlisi 2021 yil 7 oktyabrda bo`lib o`tadi.
