Muborak tumanida ishga kiritish bilan bog`liq firibgarlik holati fosh etildi. Bu haqda Bosh prokuratura huzuridagi Departamenti xabar qildi.
Ma`lum qilinishicha, Departamentning Muborak tuman bo`limi tomonidan o`tkazilgan tezkor tadbirda, fuqaro J.K. tanishlari orqali fuqaro J.ni “E.” kompaniyasiga ishga kiritib qo`yish evaziga oldindan kelishilgan 1 000 AQSh dollarini firibgarlik yo`li bilan olgan vaqtida ashyoviy dalillar bilan ushlangan, shuningdek tergovga qadar tekshiruvda, fuqaro J.K. shu yo`sinda yana 2 nafar fuqaroning 2 000 AQSh dollari va 10 mln so`mini qo`lga kiritganligi aniqlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo`zg`atilib, tergov harakatlari o`tkazilmoqda.
