Bugun, 9 oktyabr kuni soat 5:40 da Toshkent viloyatining Qibray tumanidagi 35/10 kV kuchlanishli “Tuzel” podstansiyasining 10 kV li shinalar sistemasidagi tayanch izolyatorida qisqa tutashuv sodir bo`lgan.
Buning natijasida quvvati 6300 kVA dan bo`lgan ikkita T-1 va T-2 transformatorlari o`chgan.
Hududiy elektr tarmoqlari AJning xabar berishicha, hozirda “Toshkent HETK” AJning maxsus brigadasi tomonidan podstansiyadagi nosozlikni bartaraf etish ishlari amalga oshirilmoqda.
Ta`mirlash ishlari qisqa vaqt ichida yakunlanadi va elektr energiyasi tarmoqqa ulanadi.
"Keltirilgan noqulayliklar uchun iste`molchilardan uzr so`raymiz" deyilmoqda.
