Umra ziyoratchilari endi ro`yxatga yozilish uchun 14 kun kutishmaydimi? Diniy idora ma`lumot berdi

Jamiyat 27.10.2021, 22:07
Teglar: Musulmonlar idorasi
Umra ziyoratchilari endi ro`yxatga yozilish uchun 14 kun kutishmaydimi? Diniy idora ma`lumot berdi

Shu kunlarda ayrim ijtimoiy tarmoqlarda Umra ziyoratini amalga oshirmoqchi bo`lgan musulmonlar 14 kun kutishiga doir talab bekor qilindi, degan mazmundagi xabar tarqatildi.

O`zbekiston musulmonlari idorasi tarqalgan xabarlarga munosabat bildirdi. 

Unda aytilishicha, mamlakatimizning Jidda shahrida joylashgan Bosh konsulxonasidagi “Haj” va “Umra” masalalari bo`yicha Attashesi bilan doimiy muloqot qilib, muborak safarlar bilan bog`liq har bir jarayonni diqqat bilan kuzatib bormoqda.

Saudiya Arabistoni Haj va Umra vazirligi shirkatlar ishlari bosh boshqarmasi ma`lumotiga ko`ra, Podshohlikda epidemiologik vaziyat yaxshilanayotgani, kunlik kasallanish 65 nafarga tushgani, vaksina qilingan aholi 60 foizdan oshishi munosabati bilan umra ziyorati uchun o`rnatilgan bir qator cheklovlar Saudiya Arabistonida istiqomat qilayotgan aholi va podshohlikda bo`lib turgan chet-el fuqarolari uchun yumshatilgan.

Jumladan, 28 oktyabr kunidan boshlab, Haj va Umra vazirligining “I`tamarna” (“Umra qildik”) mobil dasturi orqali ayni vaqtda Saudiya Arabistonida istiqomat qilayotgan aholi va podshohlikda bo`lib turgan chet-el fuqarolari uchun o`rnatilgan 14 kun ichida faqat bir marotaba umra amalini ado etish cheklovi olib tashlandi. Sodda qilib aytganda, avvalgi tartib bo`yicha Makka shahrida bo`lib turgan fuqaro Masjidul Haramga ehrom kiygan holda umraning tavof va sa`y amalini bir marta bajargandan keyin, navbatdagi umra qilishi uchun 14 kundan keyin ruxsat berilar edi. Endilikda yangi qoidaga ko`ra, Makka shahrida istiqomat qilayotgan aholi yoki ushbu shaharda vaqtincha yashab turgan xorijliklar bir necha bor umra amalini ado etishlari mumkin bo`ladi.

Ta`kidlash zarurki, ushbu engillik faqatgina ayni vaqtda Saudiya Arabistonida istiqomat qilayotgan aholi va vaqtincha yashab turgan chet-el fuqarolariga tegishlidir. Xorij mamlakatlaridan keladigan fuqarolarga qo`yilgan cheklovlar bekor qilingani to`g`risida ma`lumotlar mavjud emas.

Sharhlar

"Barcha kitoblar qaytarib olinadi" – Musulmonlar idorasi “Qur`oni karim suralari va duolari fazilati” kitobidagi xatoliklar bo`yicha bayonot berdi

14.07.2021, 15:35

Internet saytlari va ijtimoiy tarmoqlarda “Qur`oni karim suralari va duolari fazilati” nomli kitobda “Baqara” surasidagi xatoliklar to`g`risidagi xabarlar keng tarqalmoqda. Ushbu masala yuzasidan O`zbekiston musulmonlari...
O`zbekistonda katta magistral yo`llar bo`yida masjidlar quriladi (foto)

30.05.2021, 15:04

O`zbekistonning katta magistral yo`llari bo`yida masjidlar quriladi. Bu haqda O`zbekiston musulmonlari idorasi masjidlar bo`limi xabar berdi. Ma`lum qilinishicha, “Toshkent–Termiz” – M-39 avtomagistral yo`lining Jizzax viloyati Paxtakor...
Shayx Abdulaziz Mansur oilasi og`ir judolikka uchradi

08.03.2021, 15:50

Islom sivilizasiyasi markazi direktori o`rinbosari Shayx Abdulaziz Mansur hazratlarining farzandi Abdulbosit Mansurov vafot etdi. Bu haqda Musulmonlar idorasi xabar berdi. O`zbekiston musulmonlari idorasi Shayx oilasidagi yo`qotish...
Musulmonlar idorasi telegramdagi pullik o`yinlarning gunoh ekanligidan ogohlantirdi

26.11.2019, 12:25

 Hozirgi kunda ba`zi telegram kanallarida ayrim kishilar sport o`yinlari, masalan futbolda qaysidir jamoaga pul tikib, kimning pul tikkan jamoasi yutsa, o`sha odam narigi jamoaga tikilgan...
Ob-havo: Toshkent
Valyuta kursi
1