Rossiyaning radiochastotalar bo`yicha davlat komissiyasi dronlarni boshqarish uchun 6 gigagertsli diapazonda maxsus radiochastotalarni ajratishi mumkin. Bu haqda "Izvestiya" nashriga tayanib, TASS xabar bermoqda.
Nashr ma`lumotlariga ko`ra, Rossiyada dronlar uchun 5850-6425 MGts maxsus radiochastotalar paydo bo`lishi mumkin.
Loyihaning tushuntirish xatida ko`rsatilishicha, ushbu yangilik bunday uchar moslamalar bozorining kengayishi bilan bog`liq. Qayd etilishicha, dron operatorlari tomonidan foydalanilayotgan resurslari endi etarlicha emas.
"Birinchidan, fuqarolik dronlari asosan 2,4 gigagertsli chastotalarda boshqariladi va ular videoma`lumotlarni uzata oladi, ular WiFi bilan ham ishlaydi.
Ta`kidlash lozimki, ularning ko`plari bir joyda yig`ilib qolsa, uchuvchi moslamalarda juda kuchli shovqin seziladi.
5850-6425 MGts chastotalar dronlarni o`nlab kilometrgacha masofada boshqarish imkonini beradi.
Hozirgacha dronlar uchun maxsus chastotalar ajratilmagan", - deydi Vadim Poskakuxin, Spektrlarni boshqarish bo`limi boshlig`i.
