Xitoyda koronavirus qariyb jilovlanib bo`ldi. Masalan, bir yarim milliard aholiga ega mamlakatda kecha bor-yo`g`i 64 kishida COVID-19 aniqlangan, deya ma`lumot beradi O`zbekiston SSV matbuot kotibi.
Qayd etilishicha, shifoxonalarda bu kasallikdan davolanayotganlar soni 701 nafarni tashkil etmoqda.
Shunga qaramay, bu erda ehtiyotkorlik choralari susaytirilmagan. Sababi kunlik kasallanish ko`rsatkichlari 10 kun ichida 24 tadan 64 taga etgan.
"Ular pandemiyaning yangi to`lqini bilan yuzma-yuz kelgan Rossiyadan tashvishda. Aslida xavotirlar o`rinsiz ham emas. Chunki bu mamlakatdan virus kirib kelish xavfi yuqori.
Xitoy hattoki Rossiyadan kirib keladigan muzlatilgan dengiz mahsulotlari importiga chek qo`ydi. Bunga mahsulotlar o`ramida koronavirus aniqlangani sabab bo`ldi",-deydi matbuot kotibi.
Xitoy Xalq Respublikasi bojxona bosh boshqarmasining ma`lum qilishicha, taqiq besh hafta davomida amal qiladi.
