28-30 oktyabr kunlari Rossiya Federasiyasining Qozon shahrida belbog`li kurash bo`yicha erkaklar va ayollar o`rtasida 19-Jahon chempionati bo`lib o`tdi. Bu haqda Turizm va sport vazirligi ma`lumot berdi.
Kattalar o`rtasida o`tkazilgan ushbu musobaqada 38ta davlatdan 250 nafarga yaqin polvon g`oliblik uchun kurash olib borishdi. Quvonarlisi, O`zbekiston belbog`li kurash federasiyasi raisi Ravshan Dastirov boshchiligidagi 18 nafar terma jamoamiz a`zolari mazkur jahon chempionatida munosib ishtirok etib, belbog`li kurashning erkin va klassik yo`nalishlarida 4ta oltin, 3ta kumush va 10ta bronza medalini qo`lga kiritishdi va umumjamoa hisobida faxrli 2-o`rinni band etishdi.
G`olib sportchilarimiz bugun erta tongda Islom Karimov nomidagi Toshkent xalqaro aeroportida tantanali kutib olindi. Kutib olish marosimida O`zbekiston belbog`li kurash federasiyasi mutasaddilari, “Adolat” SDP vakillari, sportchilarning ota-onalari va OAV xodimlari ishtirok etdi.
Quyida Jahon chempionatida g`olib va sovrindor bo`lgan sportchilarimiz bilan tanishing:
Klassik yo`nalishda
Oltin medal
- -68 kg: Oybek Sultonboev (Andijon),
- -90 kg: Shohjaxon Ortiqov (Sirdaryo),
Kumush medal
- -75 kg: Nusratullo Sultonboev (Andijon),
Bronza medal
- -62 kg: Jahongir Hayitov (Namangan),
- -100 kg: Nozimjon Ibrohimjonov (Farg`ona),
Erkin yo`nalish
- Oltin medal
- -66 kg: Maftunabonu Mahmudova (Andijon),
- -100 kg: Nodirbek Ahadjonov (Toshkent sh.),
Kumush medal
- -57 kg: Husanboy Nosirov (Andijon),
- -90 kg: Jasurbek Isroilov (Andijon),
Bronza medal
- -62 kg: Dostonbek Obidjonov (Namangan),
- -68 kg: Murodjon Hamidov (Namangan),
- -75 kg: Og`abek Amatboev (Xorazm),
- -82 kg: Husniddin Ro`ziev (Andijon),
- +100 kg: A`zamjon Anvarjonov (Andijon),
- -52 kg: Muxlisaxon Sotvoldieva (Farg`ona),
- -57 kg: Manzuraoy Mo`ydinova (Farg`ona),
- -76 kg: Ziyodaxon Ergasheva (Farg`ona).
