Italiyalik Antonio Konte rasman “Tottenhem” bosh murabbiyi etib tayinlandi. Bu haqda ingliz klubi rasmiy manbasi xabar berdi.
Qayd etilishicha, italiyalik mutaxassis “Tottenhem” bilan 2023 yilning yozigacha mo`jallangan shartnomaga imzo chekkan. Keyinchalik shartnoma muddati yana uzaytirilishi mumkin.
Ma`lum bo`lishicha, u yangi jamoasida yiliga 18,3 million funt sterling atrofida maosh oladi.
Eslatib o`tamiz, jamoa APLning 10-turidan so`ng 15 ochko bilan 8-o`rinni egallab turibdi.
