Tesla kompaniyasi aksiyalari narxi tushishi tufayli Ilon Maskning boyligi bir kunda 33 milliard dollarga kamaydi. Bu haqda Forbes xabar berdi.
Qayd etilishicha, kompaniya aksiyalari 12 foizga arzonlashgan.
Shunga qaramay, Maskning umumiy boyligi 271 milliard dollarga baholanmoqda. Undan avvalroq u 304,3 mlrd dollar bilan dunyoning birinchi raqamli boy kishisi bo`lib turgan edi.
Aksiyaning arzonlashishi Maskning eng boy kishilar ro`yxatidagi o`rniga hech qanday ta`sir ko`rsatgani yo`q. Amazon asoschisi Jeff Bezosning umumiy boyligi 205,9 mlrd dollar bo`lib, u 2-o`rinda bormoqda.
