Tesla компанияси акциялари нархи тушиши туфайли Илон Маскнинг бойлиги бир кунда 33 миллиард долларга камайди. Бу ҳақда Forbes хабар берди.
Қайд этилишича, компания акциялари 12 фоизга арзонлашган.
Шунга қарамай, Маскнинг умумий бойлиги 271 миллиард долларга баҳоланмоқда. Ундан аввалроқ у 304,3 млрд доллар билан дунёнинг биринчи рақамли бой кишиси бўлиб турган эди.
Акциянинг арзонлашиши Маскнинг энг бой кишилар рўйхатидаги ўрнига ҳеч қандай таъсир кўрсатгани йўқ. Amazon асосчиси Жефф Безоснинг умумий бойлиги 205,9 млрд доллар бўлиб, у 2-ўринда бормоқда.
