O`zbekiston milliy terma jamoasi Gruziyaga qarshi bahs uchun Tbilisiga jo`nab ketdi.
Abdusalom Azizov bahs oldidan milliy terma jamoa a`zolari bilan uchrashdi, deya xabar bermoqda UFA.
Ta`kidlanishicha, assosiasiya rahbari milliy jamoa oldida turgan keyingi musobaqalar mas`uliyati, ularga tizimli tayyorgarlik ko`rish, har bir o`yinda sidqidildan harakat qilish lozimligi haqida fikr bildirgan.
Shuningdek, futbolchi va murabbiylar bilan o`tgan suhbatda ijobiy natijalarga erishish uchun O`FA tomonidan barcha zarur sharoitlar taqdim etilishi ma`lum qilingan.
Shu bilan birga, Srechko Katanes ham terma jamoamiz bilan ishlashdagi dastlabki taassurotlari va fikr-mulohazalarini bildirib o`tgan.
Klublardagi muntazam mashg`ulotlarda futbolchilarning jismoniy tayyorgarligiga alohida e`tibor qaratish zarurligi aytilib, bu borada jamoalarga kerakli ko`rsatmalar berilishiga qaror qilingan.
Shundan so`ng O`zbekiston milliy terma jamoasi Gruziyaga qarshi bahsda ishtirok etish uchun Tbilisiga jo`nab ketgan.
