Ўзбекистон миллий терма жамоаси Грузияга қарши баҳс учун Тбилисига жўнаб кетди.
Абдусалом Азизов баҳс олдидан миллий терма жамоа аъзолари билан учрашди, дея хабар бермоқда UFA.
Таъкидланишича, ассоциация раҳбари миллий жамоа олдида турган кейинги мусобақалар масъулияти, уларга тизимли тайёргарлик кўриш, ҳар бир ўйинда сидқидилдан ҳаракат қилиш лозимлиги ҳақида фикр билдирган.
Шунингдек, футболчи ва мураббийлар билан ўтган суҳбатда ижобий натижаларга эришиш учун ЎФА томонидан барча зарур шароитлар тақдим этилиши маълум қилинган.
Шу билан бирга, Сречко Катанес ҳам терма жамоамиз билан ишлашдаги дастлабки таассуротлари ва фикр-мулоҳазаларини билдириб ўтган.
Клублардаги мунтазам машғулотларда футболчиларнинг жисмоний тайёргарлигига алоҳида эътибор қаратиш зарурлиги айтилиб, бу борада жамоаларга керакли кўрсатмалар берилишига қарор қилинган.
Шундан сўнг Ўзбекистон миллий терма жамоаси Грузияга қарши баҳсда иштирок этиш учун Тбилисига жўнаб кетган.
